Premyer liqada tarix yazdılar

“Tottenhem” İngiltərə premyer liqasının tarixinə düşüb.

Allsport.az xəbər verir ki, London təmsilçisi mövsümün ilk 2 ayında ən yaxşı oyunçu və baş məşqçi mükafatlarını alan ilk klub olub.

Sentyabr ayında premyer liqanın ən yaxşı məşqçisi mükafatını Ange Postekoğlu qazanmışdı. Daha öncə mütəxəssis avqust ayı üçün də eyni mükafatı almışdı. Premyer liqanın ən yaxşı oyunçusu mükafatına gəlincə, bu mükafat sentyabrda “xoruzlar”ın hücumçusu Heunq-Min Sona, avqustda isə klubun yarımmüdafiəçisi Ceyms Meddisona verilib.