Promes əmisi oğlunu dizindən bıçaqladığı üçün 18 ay həbs cəzasına məhkum edilib

Allsport.az xəbər verir ki, Amsterdam məhkəməsi Spartak”ın yarımmüdafiəçisi Kvinsi Promesi əmisi oğluna ağır hücumlar etdiyi üçün 18 ay həbs cəzasına məhkum edib.

Promes həmçinin zərərçəkənə 7000 avro təzminat ödəməlidir.

Kvinsi peşman olduğunu və məsuliyyət daşımağa hazır olduğunu bildirsəydi , cəza 6 ay müddətinə dəyişdiriləcəkdi . O bunu etməyib.

Rusiya təmsilççisinin oyunçusu məhkəməyə gəlməyib, o, günahı başqasının üzərinə atmağa çalışıb və hətta qohumları ilə söhbətində “ailənin şərəfini qoruması”ndan qürur duyduğunu deyib.

2020-ci il iyulun 24-dən 25-nə keçən gecə Abkoude şəhərində o vaxt “Ajaks”da çıxış edən Promes əmisi oğlunu bıçaqla dizindən bıçaqlayıb. Futbolçu hələ də fiziki cəhətdən sağalmamış qohumunun ayağındakı vətərini zədələyib.