“Proqres” – “Qəbələ” matçının hakimləri bəlli olub

Avropa liqasının 1-ci təsnifat mərhələsində “Qəbələ”nin cavab oyununun hakimləri açıqlanıb. Allsport.az saytı xəbər verir ki, Lüksemburqda “Proqres”lə görüş Şimali İrlandiyadan olan hakimlərə tapşırıb.

İyulun 19-da baş tutacaq matçı Keyt Kennedi idarə edəcək. Yan xətt referiləri Stefen Donaldson və Kristian Fransis Hannadır. 4-cü hakim funksiyasını Evan Boys yerinə yetirəcək.

Matçın hakim-inspektoru serbiyalı Milan Karaciç, UEFA nümayəndəsi estoniyalı Oleq Harlamov olacaq. Komandamız ilk oyunda evdə 0:2 hesabı yenilib.