PSJ-də iki ciddi itki

PSJ müdafiədə ikiqat itki ilə üzləşib.

Allsport.az xəbər verir ki, parislilərin oyunçuları Villian Paço və Lukas Ernandes klublararası dünya çempionatının qalan hissəsini buraxacaqlar.

Hər iki futbolçu mundialın 1/4 finalında “Bavariya” üzərində 2:0 hesabı ilə qalib gəldikləri oyunda qırmızı vərəqə görüblər. FİFA-nın nizam-intizam komitəsi onları iki oyunluq cəzalandırmaq qərarına gəlib.

Paris klubu çempionatın yarımfinalında iyulun 9-da “Real Madrid”lə qarşılaşacaq.