PSJ-dən yeni rekord

PSJ ötən mövsüm vasitəçilərə ən çox ödənişi edərək rekorda imza atıb.

Allsport.az xəbər verir ki, paytaxt komandası 2021-ci ilin 1 iyulundan 2022-ci ilin 30 iyununa kimi menecerlərə 39,44 milyon avro xərcləyib. Müqayisə üçün “Marsel” və “Monako”nun xərcləri müvafiq olaraq 10 milyon və 9,2 milyon olub.

Bu, PSJ üçün rekord məbləğdir. 2017/18 mövsümündə komissiyalara 23,2 milyon, ondan sonra 25,8 milyon, 26,9 milyon və 28,45 milyon vəsait xərclənib.

Eyni zamanda, 181 milyon avro futbolçu transferi ilə bağlı birbaşa olaraq digər klublara gedib.