“Qəbələ” evdə, “Qarabağ” səfərdə

Premyer liqada 2016-2017-ci illər mövsümünün ən yaxşı ev və səfər komandaları müəyyənləşib. Allsport.az saytı xəbər verir ki, öz meydanında məğlub olmayan yeganə klub “Qəbələ” olub. “Qırmızı-qaralar” evdə hamıdan çox – 36 xal toplayıb.

Bu göstəricidə “Qarabağ” 2-ci, “Kəpəz” 3-cü olub. Məhsuldarlıqda “Qəbələ” qapısının etibarlılığında “Kəpəz” hamıdan öndə qərarlaşıb. Yeganə qələbəsini səfərdə qazanan AZAL öz meydanında qalib gəlməyib və ən zəif komanda olub.