“Qəbələ” finala çıxaraq “Neftçi”yə rəqib olub

Allsport.az xəbər verir ki, Azərbaycan kubokunun yarımfinalında “ASCO Arena”da “Səbail” – “Qəbələ” cavab oyunu keçirilib. Matçda qonaqlar 1:0 hesabı ilə qalib gəliblər.

49-cu dəqiqədə İsnik Alimi penaltidən fərqlənib.

“Səbail”dən 57-ci dəqiqədə Vüqar Həsənov, 90+2-ci dəqiqədə Qustavo Fransa, 90+4-cü dəqiqədə isə Adil Nağıyev qırmızı vərəqə alıblar.

İlk görüşdə də “Qəbələ” üstün olmuşdu – 3:2. Ümumi nəticədə əyalət təmsilçisi 4:2 hesablı qələbə qazanaraq finala vəsiqə əldə ediblər.

Onlar həlledici matçda “Neftçi” ilə qarşılaşacaqlar.

Final iyunun 3-də “Bakcell Arena”da olacaq.