“Qəbələ” ilə matçın hazırlığına başlayıb

“Neftçi” məşqləri bərpa edib. Allsport.az saytı xəbər verir ki, 7-ci turda “Sabah” üzərində qələbədən (2:0) sonra 3-günlük fasiləyə buraxılan komanda bu gün “İsmət Qayıbov” adına bazasında məşqə çıxıb.

Məşqdə Ruslan Abışov, həmçinin Azərbaycan və Haiti milli, U-21 yığma komandalarının düşərgəsində olan futbolçular iştirak etməyiblər. Hazırlıq sabah bir məşqlə davam edəcək.

Xatırladaq ki, “Neftçi” Topaz premyer liqasında növbəti oyununu oktyabrın 20-də keçirəcək. Komanda həmin gün 8-ci tur çərçivəsində “Qəbələ”nin qonağı olacaq.