“Qəbələ” Ruslan Abışovu da heyətinə qatdı

“Qəbələ” klubu Vüqar Nadirovun ardından daha bir futbolçunu rənglərinə bağlayıb. Allsport.az saytı xəbər verir ki, ötən mövsüm “qırmızı-qara” formada çıxış edən Ruslan Abışov keçmiş komandası ilə anlaşıb. “Radarlar”ın sabiq kapitanı ilə mövsümün sonunadək müqavilə imzalanıb.

28 yaşlı müdafiəçi 2015-ci ilin yayında əyalət komandasından “Xəzər Lənkəran”a keçmişdi. Bunadək millimizin müdafiəçisi “Neftçi” (2006-2012), “Xəzər Lənkəran” (2012-2013), “Rubin” (Kazan, Rusiya) (2013-2015) və “Qəbələ”də (2014-2015) çıxış edib. Abışov Azərbaycan millisinin heyətində 45 oyun keçirib və 4 qol vurub.