“Qəbələ” Sloveniya toplanışını başa vurub

Yeni mövsümə hazırlaşan “Qəbələ” Sloveniya toplanışını başa vurub. Allsport.az saytı xəbər verir ki, “qırmızı-qaralar” çalışmaların 16-cı gününü bir məşqlə yekunlaşdırıb.

Günün ilk yarısına təsadüf edən hazırlıq bərpaedici olub. Bu məşqlə toplanışı yekunlaşdıran “Qəbələ” günün ikinci yarısında Vətənə dönüb.

Sənan Qurbanovun komandası iyunun 20-dən iyulun 5-dək davam edən hazırlıqda Albaniyanın “Kukesi” (1:1), Xorvatiyanın “Dinamo” (0:2) və Polşanın “Krakoviya” (0:1) klubları ilə gücünü sınayıb.