“Qəbələdən 1 xalla ayrıla bilərdik”

“Zirə” premyer liqanın 5-ci turunda səfərdə “Qəbələ”yə 0:1 yenildi. Allsport.az saytı xəbər verir ki, mətbuat konfransında qonaqların baş məşqçisi Rəşad Sadıqov məğlubiyyətə belə şərh verdi:

“Maraqlı və gərgin oldu. Qələbə üçün gəlmişdik. Amma standart vəziyyətdən qol buraxdıq. Matçda basqı edən tərəf biz idik. Düşən imkanları dəyərləndirə bilmədik.

Qəbələdən 1 xalla ayrıla bilərdik. Bu mövsüm ilk dəfə uduzduq, məyusuq. Nədənsə, bu komanda ilə oyunumuz alınmır. Bu gün ümumiyyətlə “Qəbələ” ilə qarşılaşmaq istəməzdim.

Çünki rəqibin itirəcəyi bir şey yoxdur. Aydın məsələdir ki, milli komandalarla bağlı çempionatda yaranacaq fasilə ərəfəsində bütün gücünü ortaya qoyub oynayacaqdı”.