“Qəbələ”nin kapitanı nağıl danışdı: İlk dəfə çempion olmaq istəyirik

“Qəbələ”nin kapitanı Dodo Braziliya mətbuatına müsahibə verib. Allsport.az saytı xəbər verir ki, yarımmüdafiəçi Azərbaycan klubundakı çıxışından və Avropa Liqasının qrup mərhələsindən danışıb. O, cari mövsüm ilk dəfə ölkə çempionu olmaq istədiklərini deyib. Sitat:

“Bu mövsüm bizim üçün möhtəşəm oldu. Avropa Liqasının qrup mərhələsində oynayırıq. Bu böyük uğurdur. Bizə daha vacib qələbələr lazımdır. “Qəbələ”nin uğurlarının davamını gətirməliyik. Həmçinin bu mövsüm ilk dəfə çempion olmaq istəyirik.

Bu klubla tarix yazmaq istəyirəm. Azarkeşlərimiz ən yaxşı qələbələrə layiqdirlər. Onlar bizə hər zaman dəstək olurlar. Komandamız yaxşı formadadır və uğur qazana biləcəyimizə inanıram”.