“Qəbələ”nin legionçusu milliyə dəvət alıb

Antalya toplanışını davam etdirən “Qəbələ”nin futbolçusu Ömər Xanı milliyə çağırılıb. Allsport.az saytı xəbər verir ki, 22 yaşlı yarımmüdafiəçi Dubaya yollanıb. İordaniya klublarında çıxış edən futbolçular yanvarın 21-dən toplanışda olsalar da, legionçular komandaya sonradan qoşulublar.

Asiya kubokunun fevralda baş tutacaq seçmə oyunlarına hazırlıq xarakteri daşıyan toplanış yanvarın 28-dəki yoldaşlıq görüşü ilə yekunlaşacaq.

İordaniya seçməsi həmin gün Əbu-Dabidə Yeni Zelandiya futbolçuları ilə üz-üzə gələcək. Bu matçdan sonra, Ömər ayın 29-da “Qəbələ”nin düşərgəsinə qatılacaq.