“Qəbələ”nin qapıçısının uğurlu seriyası 915 dəqiqə davam edib

“Qəbələ”nin qapıçısı Dmitri Bezotosnının “quru” seriyası qırılıb. Allsport.az saytı xəbər verir ki, cari mövsümdə qapısında qol görməyən ukraynalı qolkiper və komandası nəhayət, ötən gün Premyer Liqanın 8-ci turunda “İnter”lə görüşdə cəzalanıb.

Bu qarşılaşmanın 48-ci dəqiqəsində qapısından top buraxan Dima, uğurlu seriyası qırılmış olub. O, 915 dəqiqəlik “quru” seriya ilə yadda qalıb.

Qeyd edək ki, bu göstərici Azərbaycan çempionatları tarixində 7-ci nəticə sayılır. Ən yaxşı göstərici “Turan”ın qapıçısı Nizami Sadıqova məxsusdur (1106 dəqiqə).