“Qələbənin asanı yox, xidmətin ASANı var”

Yunan-Roma güləş üzrə Avropa və dünya çempionu Rəsul Çunayevin reklam fotosu yayımlanıb. Allsport.az saytı xəbər verir ki, şanlı qələbələrini özünəməxsus şəkildə qeyd etməklə idman ictimaiyyətin rəğbətini qazanan istedadlı bahadır, ASAN xidmətin qonağı olub.

Ədliyyə nazirliyinə aid anketi təbəssümlə əlində tutan məşhur idmançı, sanki vətəndaşlara «ASAN xidmətə gəlin, burda hər şey ASANdır» deyir. Reklam fotosunun özündə isə belə yazılıb: “Qələbənin asanı yox, xidmətin ASANı var”.

Bu, həqiqətdə belə olsa da, məncə, Rəsul üçün indi çətin qələbə yoxdur. Onun şirin, baxımlı güləşi dünya mütəxəssisləri tərəfindən yüksək qarşılanır və onu son illlərdə yetişən ən istedadlı pəhləvan adlandırırlar.