“Qələbəyə ehtiyacımız var idi”

“Matça çox yaxşı hazırlaşmışdıq. Qələbəyə ehtiyacımız var idi”.

Allsport.az xəbər verir ki, bu fikirləri Türkiyənin “Bursaspor” klubunda çıxış edən Azərbaycan millisinin futbolçusu Namiq Ələsgərov səfərdə “Dənizlispor”a 3:1 hesabı ilə qalib gəldikləri TFF I liqasının XV tur oyunu barədə danışarkən deyib.

Komandasının 2-ci qoluna imza atan 26 yaşlı yarımmüdafiəçi qalibiyyətin davamını gətirmək istədiklərini bildirib: “Əsas məsələ uğurun davamını gətirməkdir. Ümid edirəm ki, bu, uğurlu seriyanın başlanğıcı olacaq”.

Namiq Ələsgərov mövsümün əvvəlində Bursa təmsilçisi ilə 2 illik müqavilə imzalayıb.