“Qərb derbisini qazanmaq 2-qat sevincdir”

Bu gün premyer liqanın 19-cu turunda “Kəpəz” Qəbələdə “Turan Tovuz”u 2:1 üstələdi. Allsport.az saytı xəbər verir ki, mətbuat konfransında meydan sahiblərinin baş məşqçisi Adil Şükürov bunu dedi:

“2 gün öncə 20 Yanvar idi. Həmin faciənin qurbanlarına Allahdan rəhmət diləyirəm. Ali baş komandan İlham Əliyevin sayəsində 44-günlük 2-Vətən müharibəsində bütün şəhidlərin qanı alındı.

Görüşə yaxşı başladıq. Qəbələdə oynamaq bizə düşür. Qərb derbisini qazanmaq 2-qat sevincdir. Narazı qaldığım məqamlar da var. Amma onu açıqlayaraq futbolçuların ovqatını korlamaq istəmirəm”.