Qabriel Batistuta: “Qarabağ” azlıqda oynadığı üçün böyük hesabla uduzub

İtaliyanın “Fiorentina”sının keçmiş futbolçusu Qabriel Batistuta bu komandanın Avropa Liqasının qrup mərhələsində Azərbaycan çempionu “Qarabağ”a qarşı keçirdiyi oyundan danışıb. Allsport.az saytı xəbər verir ki, Ağdam klubunun 1:5 hesabıyla uduzduğu görüşü “Artemio Franki” stadionunda canlı izləyən əfsanəvi argentinalı bunları söyləyib:

“Fiorentina”nın “Qarabağ”la oyununun xüsusi təhlilə ehtiyacı yoxdur. Çünki rəqib azlıqda oynayırdı. “Fiorentina” Avroliqada nə qədər uzağa gedə bilər? Fikrimcə, indi bu barədə danışmaq çox tezdir. Hər halda hər şeyi zaman göstərəcək”.