Qakpo əfsanəvi uğuru təkrarladı

Niderland millisi Avro-2024-ün 1/8 finalında Rumıniyanı 3:0 hesabı ilə məğlub edib.

Allsport.az xəbər verir ki, bu oyunda niderlandlı hücumçu Kodi Qakpo qol vurub və məhsuldar ötürmə edib. Onun üçün bu top turnirdə 3-cü olub.

Qakpo tarixdə 2 böyük turnirdə 3-dən çox qol vuran üçüncü niderlandlı olub (forvard Qətərdə keçirilən dünya çempionatında da 3 qol vurub).

Əvvəllər bunu yalnız Conni Rep (1974 dünya kuboku və 1978 dünya kuboku) və Denis Berqkamp (Avro 1992, 1994 dünya kuboku və 1998 dünya kuboku) edib.