“Qarabağ” axşam məşqində toplu çalışmalara üstünlük verib

“Qarabağ” Antalyada təlim-məşq toplanışında hazırlığın 8-ci gününü 2 məşqlə başa vurub. Allsport.az saytı xəbər verir ki, axşam çalışması yerli vaxtla saat 17:00-da (Bakı vaxtı ilə 18:00) start götürüb.

Günün ilk məşqindən fərqli olaraq, burada toplu çalışmalara üstünlük verilib. Məşq təxminən 90 dəqiqə davam edib. 2 futbolçumuz – Elşən Abdullayev və Reynaldo Silva fizioterapivt nəzarəti altında çalışmalarını davam etdirib.