“Qarabağ” çempionlar liqasına səfər qələbəsi ilə başlayıb

Bu gün Azərbaycan klubları üçün yeni avrokubok mövsümü açılıb. Allsport.az saytı xəbər verir ki, ilk olaraq  mübarizəyə “Qarabağ” başlayıb. Son 5 mövsümün qalibi çempionlar liqasında Lüblyanada Sloveniyanın “Olimpiya” klubunun qonağı olub.

Görüş “köhlən atlılar”ın 1:0 qələbəsi ilə sona yetib. 79-cu dəqiqədə Donald Gerye fəqrlənib. Komandalar oyunu 10 nəfərlə başa vurublar. Öncə meydan sahibləri, sonda Qara Qarayev ikinci sarı – qırmızı vərəqə alaraq meydanı tərk ediblər.

Cavab oyunu iyulun 18-də Tofiq Bəhramov adına Respublika stadionunda olacaq.