“Qarabağ” ilin son oyununa ciddi itkilərlə çıxacaq

“Qarabağ” ilin son qarşılaşmasının hazırlıqlarını davam etdirir. Allsport.az xəbər verir ki, Premyer Liqanın 18-ci turunda “Qəbələ”ni qəbul edəcək komanda 1 məşqin ardından oyun saatını gözləyəcək.

Qış fasiləsi öncəsi komandada Raydel Pupon “Sumqayıt”la baş tutan sonuncu qarşılaşmada qırmızı vərəqə alaraq cəzalı duruma düşüb. Bundan başqa 1 aya yaxındır zədəli olan Əlhərbi Əl Jadeyui, həmçinin Reynaldo da oyunu buraxacaq.

Qeyd edək ki, “Qarabağ” – “Qəbələ” qarşılaşması şənbə günü, dekabrın 19-da Suraxanıdakı “Azərsun Arena”da keçiriləcək və saat 18:00-da start götürəcək.