“Qarabağ” – keçsə PSV, keçməsə “Şerif” və ya “Valyur”

Çempionlar liqasında yoluna davam edən “Qarabağ”ın avrokubokda ehtimal rəqibləri bilinib. Allsport.az saytı xəbər verir ki, bu gün İsveçrənin Nyon şəhərində pley-off mərhələsinin püşkatması olub.

3-cü təsnifat mərhələsində BATE (Belarus) ilə görüşücək “köhlən atlılar” bu rəqibini keçsə, pley-offda Niderlandın PSV klubu ilə qarşılaşacaq.

Ağdam təmsilçisi BATE səddini keçə bilməsə, mübarizəni Avropa liqasında davam etdirəcək. “Qarabağ”ın burdakı rəqibi “Şerif” (Moldova) – “Valyur” (İslandiya) cütünün qalibi olacaq.

Avroliqanın pley-off mərhələsinin oyunları avqustun 23-də və 30-da keçiriləcək.