“Qarabağ” – “Kopenhagen” matçının biletləri avqustun 12-də satışa çıxarılacaq

Çempionlar liqasının pley-off mərhələsinin ilk oyunu çərçivəsində “Qarabağ” – “Kopenhagen” (Danimarka) görüşünün biletlərinin satışa çıxarılacağı tarix məlum olub.

Allsport.az saytı xəbər verir ki, matça baxmaq istəyənlər avqustun 12-dən etibarən Tofiq Bəhramov adına Respublika Stadionunun kassalarına yaxınlaşa bilərlər.

Biletlərin qiyməti sektorlara görə 1, 2, 3, 5 və 10 manat, VİP 50 manat olacaq. Avqustun 15-də keçiriləcək “Qarabağ” – “Kopenhagen” görüşü saat 20:00-da başlayacaq.