“Qarabağ” kolumbiyalı müdafiəçi aldı

“Qarabağ” heyətini yeni futbolçu ilə gücləndirib. Allsport.az xəbər verir ki, Ağdam təmsilçisi Portuqaliyanın “Şaveş” klubunun müdafiəçisi Kevin Medinanı transfer edib.

“Transfermarkt” portalı futbolçunu “Qarabağ”ın üzvü kimi təqdim edir. Bu keçidin “atlılar”a neçəyə başa gəlməsi haqda məlumat yer almayıb.

Karyerası Portuqaliya ilə bağlı olan Medina keçən ilin yayından “Şaveş”də çıxış edirdi.