Ağdam klubu qış hazırlığını yenə Türkiyədə keçirəcək

Son 2 Azərbaycan çempionatının qalibi “Qarabağ” klubu qış hazırlıq planını müəyyənləşdirib. Allsport.az saytı xəbər verir ki, komanda əsas hazırlığı yenə Türkiyədə keçirəcək. Qurban Qurbanov rəhbərlik eydiyi kollektiv Antalyaya yanvarın 5-də yollanacaq.

Ağdam klubu ayın 22-23-dək orada qalacaq. Toplanışın müddəti Azərbaycandakı hava şəraitindən asılı olaraq, artırıla da bilər. Türkiyədə olduğu müddətdə “Qarabağ”ın ən azı üç yoxlama oyunu keçirməsi gözlənilir. Amma əlavə bir neçə oyunun baş tutması da istisna edilmir.