“Qarabağ” rəsmən çempionlar liqasının 3-cü təsnifat mərhələsində!

Bu gün “Qarabağ” çempionlar liqasının 2-ci təsnifat mərhələsi çərçivəsində Tiflisdə Gürcüstanın “Samtredia” klubu ilə qarşılaşıb. Allsport.az saytı xəbər verir ki, Bakıda ilk oyunda 5:0 hesabı ilə qalib gələn Qurban Qurbanovun komandası cavab görüşündə də üstün olub.

Boris Payçadze adına “Dinamo arena”da baş tutan matçın taleyini bir qol həll edib. Ağdam klubunun yeganə qolunu komandanın yeni transferi Donald Qerye vurub. 3-cü ələməndə rəqibimiz “Şerif” (Moldova) – “Kukesi” (Albaniya) cütünün qalibi olacaq. Buna sabah dəqiq aydınlıq gələcək.