“Qarabağ” – “Tottenhem” matçı yunan hakimlərə tapşırıldı

Avropa Liqasının qrup mərhələsinin beşinci turu çərçivəsində “Qarabağ”la İngiltərənin “Tottenhem” klubu arasındakı oyunun hakim təyinatları açıqlanıb. Allsport.az xəbər verir ki, UEFA bu oyunu Yunanıstandan olan hakimlərə tapşırıb.

Belə ki, qarşılaşmanın baş hakimi Anastasios Sidiropulos təyin olunub. Ona həmyerliləri Damians Eftumiadislə Polixronis Kostaras kömək edəcək. Dördüncü hakim funksiyasını isə Lazaros Dimitriadis yerinə yetirəcək.

Qeyd edək ki, “Qarabağ” – “Tottenhem” matçı noyabrın 26-da Tofiq Bəhramov adına respublika stadionunda keçiriləcək və saat 22:00-da start götürəcək.