“Qarabağ” və “Qəbələ”nin oyunçuları milli komanda ilə qələbəyə sevindi

Bosniya və Herseqovina millisi AÇ-2016-nın seçmə mərhələsi çərçivəsində növbəti matçını keçirib. Allsport.az xəbər verir ki, sözügedən komanda doğma meydanda Andorra ilə qarşılaşıb.

Qarşılaşma 3:0 hesabıyla bosniyalıların qələbəsi ilə başa çatıb. “Qəbələ”nin hücumçusu Ermin Zets meydan sahiblərinin heyətində 90 dəqiqə mübarizə aparıb. O, ilk qolun ötürməsini verməsiylə diqqət mərkəzinə düşüb. “Qarabağ”ın qapıçısı İbrahim Şehiç isə ehtiyatda qalıb.

Qeyd edək ki, Zetslə Şehiçin komandası hazırda 11 xalla B qrupunda 4-cü yerdə qərarlaşıb.