“Qarabağ”a qarşı serbiyalı yarımmüdafiəçidən yararlana bilməyəcək

Avropa liqasının “İ” qrupunun ilk turunda Tel-Əvivdə “Qarabağ”ı qonaq edəcək “Makkabi” bu matçda Uroş Nikoliçin xidmətindən yararlana bilməyəcək. Allsport.az saytı xəbər verir ki, buna səbəb serbiyalı yarımmüdafiəçinin hələ də yerli federasiyada qeydiyyatdan keçirilməməsidir.

Onun adı UEFA-ya təqdim olunan sifariş ərizəsinə salınmayıb. Bildirilib ki, 27 yaşlı oyunçu zədə səbəbindən tibbi müayinədən keçməyib. Onun qeydiyyata alınması üçün tibbi müayinədən keçməsi mütləqdir.

Oktyabrın 22-də görüş Bakı vaxtı ilə saat 21:55-da başlayacaq.