“Qarabağ”ın əməkdaşı Romada UEFA-nın təhlükəsizlik konfransında iştirak edib

İtaliyanın paytaxtında UEFA-nın illik təhlükəsizlik konfransı keçirilib.

Allsport.az saytı xəbər verir ki, tədbirdə “Qarabağ” futbol klubunu PR və marketinq şöbəsinin rəhbəri Yusif Cəfərov təmsil edib. Toplantıya AFFA-dan Vasif Mahmudov da qatılıb.

Konfransda Avropa liqasının qrup oyunları zamanı meydan sahibi və qonaq komanda azarkeşlərinin təhlükəsizliyi müzakirə olunub. Tədbir iştirakçıları digər məsələlər barədə də fikir mübadiləsi aparıblar.