“Qarabağ”ın 150-ci oyunu

“Qarabağ” ölkə kubokunda 150-ci oyununu keçirib. Allsport.az saytı xəbər verir ki, Ağdam klubu yubiley matçına 1/4 finalın cavab mərhələsində çıxıb. “Keşlə”nin qonağı olan yubilyar 6:0 hesablı qələbə qazanıb.

1993-cü ildən kubokda çıxış edən “Qarabağ” kubokda 150 və ya daha çox oyun keçirən 2-ci komanda olub. “Köhlən atlar” bu görüşlərdə 95 qələbə qazanıb, 29 heç-heçə edib və 26 dəfə uduzub.

Evdə 73, səfərdə 68 matça çıxan komanda 9 dəfə neytral meydanda oynayıb.