“Qarabağ”ın çempionlar liqasının 3-cü ələməsində rəqibi bilinib

Bu gün çempionlar liqasında 3-cü təsnifatının püşkatması keçirilib. Allsport.az saytı xəbər verir ki, İsveçrənin Nyon şəhərində təşkil olunan tədbirdə “Qarabağ” klubunun mərhələ adlayacağı halda, hansı cütlə qarşılaşacağı müəyyənləşib.

2-ci ələmənin ilk görüşündə Gürcüstan “Samtredia”sını 5:0 məyus edən “köhlən atlılar”ın rəqibi “Şerif” (Moldova) – “Kukesi” (Albaniya) cütünün qalibi olacaq. Növbəti opponentlə də ilk oyun evdə, cavab matçı səfərdə keçirəcək.

3-cü təsnifatın görüşləri iyulun 25-26-da və avqustun 1-2-də baş tutacaq.