“Qarabağ”ın oyunu təxirə salındı

Konfrans liqasının play-ofunda Fransanın “Marsel” klubu ilə görüşlə bağlı “Qarabağ”ın Azərbaycan premyer liqasındakı oyunu təxirə salınıb. Allsport.az saytı xəbər verir ki, komanda bu vacib qarşılaşmalara daha yaxşı hazırlaşmaq məqsədi ilə PFL-ə rəsmi müraciət edərək, 16-cı turunda 20 fevral tarixdə “Sumqayıt”a qarşı keçirilməli olan görüşün təxirə salınmasını xahiş edib.

Peşəkar futbol liqası “Qarabağ”ın ölkə idmanı üçün vacib olan oyunlara daha yaxşı hazırlaşmasını nəzərə alaraq və “Sumqayıt” klubunun razılığını rəhbər tutaraq, Azərbaycan premyer liqasının 16-cı turunun “Qarabağ” – “Sumqayıt” oyunu 20 fevral tarixindən 12 may tarixinə təxirə salıb.