“Qarabağ”ın qəsdən qola çevirmədiyi penaltı top-15-də

Rusiyanın “Futbol” telekanalı ilin diqqət çəkən futbol məqamlarını top-15-də toplayıb. Allsport.az saytı xəbər verir ki, telekanalın ən maraqlı 15 videosu arasında Azərbaycan Premyer Liqasının 7-ci turunda oynanılan “İnter” – “Qarabağ” qarşılaşması da yer alıb.

Həmin oyunda Ağdam komandasının mübahisəli 11-metrlik cərimə zərbəsini bilərəkdən rəqib qapısına vurmaması “Futbol” telekanalı tərəfindən təqdirəlayiq jest kimi qiymətləndirilib.

Xatirladaq ki, “Qarabağ”ın 2:0 qalib gəldiyi matçda, penalti baş məşqçi Qurban Qurbanovun tapşırığı ilə kənara vurulmuşdu.