“Qarabağ”ın qapıçısı yığmada 4-cü matçda da qol buraxmayıb

“Qarabağ”ın qapıçısı İbrahim Şehiç Bosniya və Hersoqovina millisinin heyətində növbəti yoxlama oyununa çıxıb.

Allsport.az saytı xəbər verir ki, 29 yaşlı qolkiper yığmamızın keçmiş baş məşqçisi Robert Prosineçkinin rəhbərliyi ilə Seneqal futbolçularına qarşı matçda start heyətdə yer alıb.

Bu görüş qolsuz bitib. Bununla da, o, ABŞ, Meksika və Bolqarıstan ilə yoldaşlıq görüşlərində olduğu kimi, ardıcıl 4-cü qarşılaşmada çərçivəni toxunulmaz saxlayıb.