“Qarabağ”ın rəqibi Gürcüstan çempionu oldu

Bu gün çempionlar liqasında yeni mövsümünün ilk püşkatması keçirilib. Allsport.az saytı xəbər verir ki, İsveçrənin Nyon şəhərində baş tutan tədbirdə ilk 2 ələmə müəyənləşib.

Öncə qitənin 10 ən zəif çempionu 5 cütlük təşkil edib. 1-ci təsnifat iyunun 27-28-də ilk, iyulun 4-5-də cavab görüşləri olacaq.

Ardınca mübarizəyə 2-ci mərhələdən başlayacaq 29 klub və öncəki raundun 5 cütünün iştirakı ilə püşkatma baş tutub. Burada 34 iştirakçı 17 cütlük təşkil edib.

“Qarabağ” səpələnməmişlər səbətində yer alan “Samtredia” (Gürcüstan) ilə üz-üzə gələcək. Bu mərhələnin ilk matçları iyulun 11-12-də, cavab oyunları 18-19-da baş tutacaq.