FOTO

Türkiyə futbolunda rəzalət! Hakim döyüldü!

Türkiyə super liqasının “Ankaragücü” – “Rizəspor” matçının baş hakimi Xəlil Ümid Mələr final fitindən sonra şiddətə məruz qalıb.

Allsport.az xəbər verir ki, oyun 1:1 hesabı ilə başa çatıb. Meydan sahibləri hesabı 14-cü dəqiqədə açsalar da, əsas vaxtda “Rizəspor”da icarə əsasında çıxış edən ÇSKA-nın hücumçusu Adolfo Qayiç hesabı bərabərləşdirib.

Oyun başa çatdıqdan sonra isə paytaxt klubunun prezidenti oyunun ədalət təmsilçisinə yaxınlaşaraq onun sifətinə bir neçə yumruq zərbəsi endirib. Yerə yıxılan hakim digər şəxslər tərəfindən də zərbələrə məruz qalıb.