“Qartallar”ın tarixində ilk

Misli premyer liqanın yeni mövsümünə 2 quru hesablı qələbə ilə başlayan “Zirə”, tarixində ilk dəfə belə uğura nail olub. Allsport.az saytı xəbər verir ki, Rəşad Sadıqovun komandası ilk turda “Qarabağ”, ardınca “Kəpəz”i eyni hesabla (1:0) yenib.

“Qartallar” ölkə çempionatları tarixinə startda 2 quru hesablı qələbə qazanan 18-ci komanda kimi düşüb. Bu, texniki nəticələr nəzərə alınmamaqla ümumilikdə 29-cu belə startdır.

“Neftçi” hamıdan çox – 5 mövsümdə ilk iki oyunda qol buraxmadan qalib gəlib. “Qarabağ” 4, “Bakı” 3, Sumqayıt “Xəzər”i və “Xəzər Lənkəran” hərəyə 2, digər komandalar isə bir mövsümdə belə uğurlu başlayıblar.

Cari mövsümdə daha bir komanda eyni göstəricini təkrarlaya bilər. İlk turda quru hesabla qələbə qazanan “Sabah”ın görüşü təxirə salındığı üçün, 2-ci oyununa 3-cü turda çıxacaq.