“Qırmızı-qaralar”da zədə problemi

“Qəbələ” premyer liqanın XIX turuna itki ilə çıxacaq.

Allsport.az xəbər verir ki, Elmar Baxşıyevin komandası mövsümün ikinci yarısının ilk matçında “Sumqayıt”la qarşılaşacaq. “Qırmızı-qaralar” Qəbələ şəhər stadionunda keçiriləcək qarşılaşmanın hazırlığını bu gün başa vurub.

Məşqdə “Qəbələ”nin 1 futbolçusu iştirak etməyib. Yoxlama oyununda zədələnən Əhməd Ayzaya bərpa prosesi keçir.

Qeyd edək ki, sabah Qəbələ şəhər stadionunda keçiriləcək “Qəbələ” – “Sumqayıt” görüşü saat 16:30-da başlayacaq.