FOTO

Qitə çempionatının kuboku paytaxtın tarixi məkanlarını dolaşır

İyunun 11-də Romada start götürəcək futbol üzrə Avropa çempionatının əsas mükafatı olan “Anri Delone” kuboku Avropanı səyahətə çıxıb. Allsport.az xəbər verir ki, kubokun Budapeştdən sonra ikinci dayanacağı Bakı şəhəridir.

Kubok artıq Qobustan dövlət tarixi-bədii qoruğu, içərişəhər dövlət tarix-memarlıq qoruğu, Atəşgah məbədi, Heydər Əliyev mərkəzi və Bakı olimpiya stadionunda olub. Kubok turu bu gün də davam edəcək və bir neçə saat ərzində Bakının mərkəzi küçələrində yerli sakinlərə təqdim olunacaq.

Turun əsas məqsədi ictimaiyyəti kubokla tanış etmək və AVRO həyəcanını Bakı küçələrinə yaymaqdır. Kuboku turnirin rəsmi maskotu Skillzi və digər personajlar müşayiət edəcək. Kubok turu Bakıdan sonra Danimarkanın paytaxtı Kopenhagendə davam edəcək.