“Qızıl top” mükafatı üçün əsas iddiaçılar müəyyənləşdi

FİFA-nın təsis etdiyi “Ballon d`Or” (Qızıl top) mükafatının builki finalçıları bəlli olub. Allsport.az xəbər verir ki, “Barselona” futbol klubunun argentinalı hücumçusu Lionel Messi və braziliyalı hücumçu Neymar da Silva Santos, həmçinin “Real” klubunun və Portuqaliya yığmasının forvardı Kriştianu Ronaldu mükafatın finalçıları seçilib.

Xatırladaq ki, Lionel Messi ardıcıl surətdə 4 dəfə, Kriştianu Ronaldo isə 3 dəfə bu mükafata sahib olsa da, Neymar da Silva Santos ilk dəfədir finala vəsiqə qazanır.

Messi bu üçlük arasında favorit hesab olunur.

Mükafatın təqdimetmə mərasimi 2016-cı il yanvarın 11-də İsveçrənin Sürix şəhərində keçiriləcək.