“Qol vurmaq həmişə əladır”

39 yaşlı portuqaliyalı hücumçu Kriştianu Ronaldo İrlandiya ilə yoldaşlıq görüşündə (3:0) qalib gəldikdən sonra hədəflərindən danışıb.

Allsport.az xəbər verir ki, bu barədə o, “Record”a açıqlama verib:

“Qol vurmaq həmişə əladır, mən bundan həzz almağa çalışıram. Bilirəm ki, futbolda çox illərim qalmayıb. 35 ildən sonra hər mövsümdən həzz alıram. Artıq 39 yaşım var və hər yeni il xoşdur. Həmişə məqsədlərim var. Bu mənim DNT-dir. Ən əsası özünüzü işinizə həsr etməkdir. Milli komandaya sevgim ömürlükdür.
Kuboklar? Hamı kuboklar xəyal edir”.