Qurban Qurbanov: “Sabah ən yaxşı oyunlarımızdan birini keçirməyə çalışacağıq”

Sabah Avropa liqasının “E” qrupunun 3-cü turunda “Qarabağ” evdə Ukraynanın “Vorskla” klubunu qəbul edəcək. Allsport.az saytı xəbər verir ki, bu gün keçirilən mətbuat konfransında baş məşqçimiz Qurban Qurbanov bunu deyib:

“Hamı bilir ki, vacib oyuna çıxırıq. İki turdan sonra hər iki komanda xalsızdır. Oyun haqda çox danışmağa ehtiyac yoxdur. Komandanı tam hazırlamışıq.

Hamı matça ciddi hazırlaşır. Düşünürəm ki, sabah maraqlı və gərgin mübarizə olacaq. Sabah ən yaxşı oyunlarımızdan birini keçirməyə çalışacağıq”.