Qvineya millisi pley-ofa adladı, “Neftçi”nin futbolçusu məhsuldar ötürmə verdi

“Neftçi”nin futbolçusu Mamadu Kanenin çıxış etdiyi Qvineya yığması Afrika millətlər kubokunun 3-cü turunda Zimbabveyə 1:2 yenilib.

Allsport.az saytı xəbər verir ki, legionçu 90 dəqiqə meydanda olub, 49-cu dəqiqədə məhsuldar ötürmə verib.

Məğlubiyyətə baxmayaraq, Qvineya millisi qrupda 2-ci yeri tutub və pley-ofa vəsiqə qazanıb.

Müqavilə ilə Yunanıstan “Olimpiakos”una məxsus olan Mamadu Kane “Neftçi”də icarə əsasında çıxış edir.