Rəhimovanın komandası erməniləri darmadağın etdi

Qadınlardan ibarət Azərbaycan komandasının futbolçusu Milana Rəhimovanın formasını geyindiyi Şimali Makedoniyanın “Lyuboten” klubu çempionlar liqasının II təsnifat mərhələsinə yüksəlib.

Allsport.az xəbər verir ki, Rəhimovanın komandası I təsnifat mərhələsinin final oyununda Ermənistan təmsilçisi “Pünik” üzərində 4:0 hesablı qələbə qazanıb.

Hava Mustafanın pokerə imza atdığı Skopyedəki qarşılaşmada Rəhimova meydana start heyətində daxil olub. O, 90 dəqiqəni əvəz edilmədən keçirib.