Rəşad Sadıqov: “Son zərbələrdə dəqiq oynadığımız üçün qələbə qazandıq”

Premyer liqanın 4-cü turunda “Keşlə”yə səfərdə 3:2 hesabı ilə qalib gələn “Zirə”nin baş məşqçisi Rəşad Sadıqov açıqlama verib. Allsport.az xəbər verir ki, 38 yaşlı mütəxəssis qələbəni şərh edib:

“Çox gərgin və maraqlı oyun oldu. Çempionatda əzmkar oyunların şahidi oluruq. Bəlkə də son zərbələrdə dəqiq oynadığımız üçün qələbə qazandıq. Futbolçular oyun üçün darıxıblar. Düşünürəm ki, hər iki komanda yaxşı oyun göstərdi”.