Rəşad Sadıqov: “Sumqayıt”ın nə edəcəyini yaxşı bilirdik

“Zirə” premyer liqasında 12-ci turunda səfərdə “Sumqayıt”a 3:0 qalib gəlib. Allsport.az saytı xəbər verir ki, mətbuat konfransında qonaqların baş məşqçisi Rəşad Sadıqov bunu deyib:

“Sumqayıt səfəri həmişə ağırdır. Hər komanda buradan 3 xalla ayrıla bilmir. Bilirdik ki, rəqib görüşün əvvəlində meydanın mərkəzində bizi aqressiv qarşılayacaq və arxada oyun qurmağa imkan verməyəcək.

Bu üzdən, mübarizəyə ehtiyatlı başladıq, matçın sürətini aşağı salmağa çalışırdıq. İlk hissədə vurduğumuz qollar rəqibə təsir etdi. Növbəti yarıda artıq bilinirdi ki, rəqib böyük qüvvə ilə irəli atılacaq. Biz də planı əks-hücumda qurub istədiyimizə nail olduq”.