Ramazan ayında müsəlman oyunçular üçün fasilələr tətbiq ediləcək

Müsəlman futbolçuların Ramazan ayında özlərini təravətləndirə bilmələri üçün, İngiltərə premyer liqa matçları zamanı fasilə olacaq. Allsport.az saytı xəbər verir ki, müsəlmanlar müqəddəs ayda gün batmazdan əvvəl yemək və içməzlər. 2023-cü ildə Ramazan ayı martın 23-dən aprelin 21-dək davam edəcək.

Premyer liqa hakimlərinə oyunları dayandırmaq və oyunçulara mayelər, enerji gelləri və ya əlavələr qəbul etməklə, iftar icazəsi vermək tapşırılıb. Referilərdən, həmçinin oyun başlamazdan əvvəl, görüş zamanı iftar üçün fasilə lazım ola biləcək bütün futbolçuları müəyyən etmələri və mümkünsə, bunun üçün təxmini vaxtı onlarla razılaşdırmaq tələb olunub.