Ramilli “Qocaelispor”, Bəxtiyarın komandasına uduzdu

Türkiyə 1-ci liqasının 26-cı turu azərbaycanli futbolçuların dueli ilə yadda qalıb.

Allsport.az xəbər verir ki, Ramil Şeydayevin çıxış etdiyi “Qocaelispor” Bəxtiyar Həsənəlizadənin formasını geyindiyi “Tuzlaspor”a 1:2 hesabı ilə uduzub. Həsənəlizadə 90 dəqiqə meydanda olub.

Şeydayevin klubu isə ardıcıl 5-ci oyunda qələbə qazanmayıb. Meydana 84-cü dəqiqədə daxil olan Ramil “Qocaelispor”u məğlubiyyətdən xilas edə bilməyib.